“Meqa Həyat Sığorta” İcbari Sığorta Bürosunun reyestrinə daxil edilib

“İcbari Sığortalar Haqqında” qanunun tələblərinə uyğun olaraq “Meqa Həyat Sığorta” ASC İcbari Sığorta Bürosunun (İSB) iştirakçılarının reyestrinə daxil edilib.

Bu barədə "Report"a Bürodan bildirilib.

Məlumata görə, iştirakçı sığortaçılarla İSB arasındakı qarşılıqlı münasibətlər, o cümlədən sığortaçının Büronun fəaliyyətində iştirakı, onun qarşısındakı hesabatlılığı, məlumatların təqdim edilməsi və digər məsələlər müvafiq qanunvericilik və Büronun nizamnaməsinə uyğun olaraq aparılır.

Xatırladaq ki, sığortaçının istənilən sığorta növü üzrə fəaliyyət göstərməsi üçün "Sığorta fəaliyyəti haqqında" və "İcbari sığortalar haqqında" qanunun tələblərinə bağlı olaraq nəzarət orqanı tərəfindən icazə verilməldir.

P.S. "Meqa Həyat Sığorta" digər həyat sığortası şirkətləri kimi “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta” növünü həyata keçirəcək.