Ruslan Xəlilov: “Azərbaycanda korporativ istiqrazlar bazarının həcmi BOEM layihəsinin dəyərinə bərabərdir”

Azərbaycanda dövriyyədə olan dövlət istiqrazlarının ümumi dəyəri təxminən 9 milyard manat təşkil edir.

"Report" xəbər verir ki, bunu "Bakı Fond Birjası" QSC-nin (BFB) İdarə Heyətinin sədri Ruslan Xəlilov Azərbaycanda Amerika Ticarət Palatasının (AmCham Azərbaycan) təşkilatçılığı ilə Bakıda keçirilən "Yaşıl maliyyə" konfransında bildirib.

"Korporativ istiqrazların ümumi dəyəri isə təxminən 400 milyon manatdır. Bu, bərpa olunan enerji layihəsinin dəyərinə bərabər bir məbləğdir", - deyə o qeyd edib.