Azərbaycan dəyişkən faiz dərəcəli borcunun xüsusi çəkisini 16 %-ə endirib

Azərbaycanın dəyişkən faiz dərəcəli borcunun ümumi portfeldə payı 16 %-ə düşüb.

"Report" xəbər verir ki, bunu Maliyyə Nazirliyi yanında Dövlət Borcunun və Maliyyə Öhdəliklərinin İdarə Edilməsi Agentliyinin direktoru Azər Mursaqulov bildirib.

Onun sözlərinə görə, bu nisbət 2018-ci ildə 30 % olub: "Faiz dərəcəsi dəyişəndə portfelin 30 %-də xidmət xərci dəyişə bilər. Bunu tədricən azaltmağı, ortamüddətli dövrdə 20 %-dən aşağı salmağı hədəf kimi müəyyən etdik. Bunun üçün daha çox sabit dərəcə ilə borclanıb, dəyişkən dərəcəli borcları ödədik. Komanda olaraq mütəmadi risk göstəricilərinə nəzarət edirik. Strategiyada qarşımıza qoyulan hədəflərə doğru addım-addım irəliləyirik".