Azərbaycan ASOSAI-nin İdarə Heyətinin iclasına ev sahibliyi etmək istəyir

Azərbaycan Ali Audit Orqanlarının Asiya Təşkilatının (ASOSAI) İdarə Heyətinin (İH) gələnilki toplantısına ev sahibliyi etmək istəyir.

"Report" bu barədə Hesablama Palatasına istinadən xəbər verir.

Məlumata görə, ASOSAI-nin yeni seçilmiş üzvlərinin də iştirakı ilə ASOSAI İdarə Heyətinin 61-cı toplantısı keçirilib. Toplantıda Palatanın sədri Vüqar Gülməmmədov iştirak edib. O, İH-nin üzvlüyü üçün səsvermədə Azərbaycana səs verən ölkələrin AAO-larına təşəkkürünü bildirib, qeyd edib ki, Azərbaycan ASOSAI-ın fəaliyyətinin təkmilləşdirilməsi üçün səylə çalışacaq.

Sədr çıxışında ASOSAI-ın İH-nin 2025-ci il toplantısının Bakıda keçirilməsi üçün təklif irəli sürüb.