Avropa çempionatı: Azərbaycanın cüdo millisi qarışıq komanda yarışında mübarizəyə başlayır

Azərbaycanın cüdo yığması Monteneqronun paytaxtı Podqoritsada keçirilən Avropa çempionatında bu gün qarışıq komanda yarışında mübarizə aparacaq.

"Report"un məlumatına görə, milli yarışın son günündə Gürcüstan seçməsi ilə qarşılaşacaq.

1/8 final mərhələsinin görüşü Bakı vaxtı ilə saat 12:30-da başlayacaq.

Qeyd edək ki, Azərbaycan cüdoçuları turnirin fərdi yarışlarında 5 medal (1 gümüş, 4 bürünc) qazanıblar. Olimpiya çempionu Zelim Kotsoyev (100 kq) gümüş, Əhməd Yusifov (60 kq), Rəşid Məmmədəliyev (73 kq), Zelim Tçkayev (81 kq) və Murad Fətiyev (90 kq) isə bürünc medala yiyələniblər.