Azərbaycan Basketbol Liqası: Final seriyasının ikinci oyunu keçiriləcək

Bu gün Azərbaycan Basketbol Liqasında final seriyasının ikinci oyunu keçiriləcək.

"Report" xəbər verir ki, dueldə “Xəzri” və “Sabah” komandaları üz-üzə gələcəklər.

"Sərhədçi" İdman Mərkəzində baş tutacaq matçın start fiti saat 19:30-da səslənəcək. Bu komandalar arasında reallaşan ilk qarşılaşmada "Xəzri" qələbə qazanıb - 95:70.

Qeyd edək ki, bu seriyanın növbəti görüşü mayın 22-də oynanılacaq. Üç qələbə qazanan kollektiv qızıl medallara sahib çıxacaq.