Avropa Kuboku: Azərbaycan millisi tarixində ilk dəfə finala yüksəlib

Azərbaycanın qadınlardan ibarət 3x3 basketbol millisi Danimarkanın paytaxtı Kopenhagendə keçirilən Avropa Kubokunda ilk dəfə finala vəsiqə qazanıb. 

"Report"un məlumatına görə, yığma yarımfinalda İspaniya seçməsi ilə üz-üzə gəlib. 

Komanda rəqibini 21:17 hesabı ilə məğlub edib.

Qeyd edək ki, Azərbaycan millisi daha əvvəl qrup mərhələsində Fransa (21:16) və Ukraynanı (21:14), 1/4 finalda Polşanı (16:13) üstələyib.