Bakı-Naxçıvan aviareysləri bərpa olunub

İlk xəbər saat 09:50-də verilib

AZAL-dan "Report"a verilən məlumata görə, artıq Bakıdan Naxçıvana uçuşlar bərpa olunub. 

***

"Azərbaycan Hava Yolları" QSC-nin (AZAL) J2-251 nömrəli Bakı-Naxçıvan reysini yerinə yetirən hava gəmisinin kapitanı əlverişsiz hava şəraitinə (güclü duman) görə Heydər Əliyev Beynəlxalq Aeroportuna geri qayıtmağa qərar verib.

"Report" bu barədə AZAL-a istinadən xəbər verir.

Məlumata görə, təyyarə saat 08:50-də hava limanına enib. Hava şəraiti yaxşılaşdıqdan sonra sərnişinlər Naxçıvana yola düşəcəklər.