Xaçmazda intihar edən şəxsin kimliyi məlum olub - YENİLƏNİB

Xaçmazda intihar edən şəxsin kimliyi məlum olub.

"Report"un Şimal bürosunun məlumatına görə, Xaçmaz şəhərinin mərkəzində çoxmərtəbəli yaşayış binasından özünü ataraq intihar edən şəxs, rayonun Köhnəxaçmaz kənd sakini, 1988-ci il təvəllüdlü Talıbov Alim Səlim oğlu olduğu bilinib.

A.Talıbovun meyiti müayinə olunması üçün Məhkəmə Tibbi Ekspertiza və Patoloji Anatomiya Birliyinin Xaçmaz rayon şöbəsinə təhvil verilib.

Faktla bağlı araşdırma aparılır.

Xaçmazda intihar hadisəsi baş verib.

"Report"un Şimal bürosunun verdiyi məlumata görə, hadisə şəhərin Nəriman Nərimanov prospektində yerləşən "Qayalı" yaşayış kompleksində, çoxmərtəbəli binada qeydə alınıb.

Belə ki, 25-30 yaşlı Alim adlı şəxs binanın 7-ci mərtəbəsindən özünü atıb.

Hadisə ilə bağlı araşdırma davam etdirilir.