Sumqayıtda yol-nəqliyyat hadisəsi baş verib, xəsarət alanlar var

Sumqayıtda yol-nəqliyyat hadisəsi baş verib, xəsarət alanlar var.

"Report"un yerli bürosu xəbər verir ki, hadisə şəhərin İsmət Qayıbov küçəsində qeydə alınıb.

"Mercedes" markalı avtomobil "Volkswagen" markalı nəqliyyat vasitəsi ilə toqquşub. Qəza zamanı 2 nəfər xəsarət alıb.

Hadisə yerinə təcili tibbi yardım briqadası və polis əməkdaşları cəlb olunub.

Faktla bağlı araşdırma aparılır.