Saray qəsəbəsində 2-ci sinif şagirdi dəm qazından boğularaq ölüb

Abşeron rayonunun Saray qəsəbəsində şagird dəm qazından boğulub.

"Report"un yerli bürosunun məlumatına görə, H.Axundov adına 3 nömrəli məktəbin 2-ci sinif şagirdi Dadaşzadə Tahir Tamerlan oğlu yaşadığı evdə dəm qazı səbəbindən ölüb.

Hadisə zamanı uşağın anasının da dəm qazından zəhərləndiyi, vəziyyətinin ağır olduğu bildirilir. O, xəstəxanaya yerləşdirilib.

Faktla bağlı hüquq-mühafizə orqanları tərəfindən araşdırma aparılır.