Kürdəmirdə “KamAZ” aşıb, ölən var

Kürdəmirdə “KamAZ” markalı yük maşını aşıb.

"Report"un Yuxarı Şirvan bürosu xəbər verir ki, hadisə Bakı-Qazax əsas magistral yolunun rayonun Karrar qəsəbəsindən keçən hissəsində qeydə alınıb.

Belə ki, sürücü 1964-cü il təvəllüdlü Qələndərov İntiqam İsrayıl oğlu Gəncə istiqamətdə hərəkətdə olarkən yük maşınına idarəetməni itirib. Nəticədə avtomobil əvvəlcə yol kənarındakı beton lövhəyə çırpılıb, sonra əks yola çıxaraq aşıb.

Hadisə zamanı ağır xəsarət alan İ.Qələndərov təcili-tibbi yardım maşınının köməyi ilə Kürdəmir Rayon Mərkəzi Xəstəxanasına çatdırılıb. Lakin həkimlərin səyinə baxmayaraq, onun həyatını xilas etmək mümkün olmayıb.

Faktla bağlı araşdırma aparılır.