Bakıda avtomobil 60 yaşlı qadını vuraraq ayağını sındırıb

Bakının Nizami rayonunda 60 yaşlı piyadanın xəsarət alması ilə nəticələnən yol-nəqliyyat hadisəsi baş verib.

"Report"un məlumatına görə, metronun “Neftçilər” stansiyasının yaxınlığında avtomobil yolu keçən 1963-cü il təvəllüdlü Qadaşova Təcrübə Kamal qızını vurub.

Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona sol ayağın sınığı diaqnozu qoyulub.

Fakt araşdırılır.