Bakı Dəmiryol Vağzalında sərnişinin səhhətində problem yaranıb

Bakı Dəmiryolu Vağzalında sərnişinin səhhətində problem yaranıb.

“Report” xəbər verir ki, Sumqayıt-Xırdalan-Bakı qatarında sərnişinin dili qatlanıb.

Buna səbəb kimi qatarda sıxlığın olması və havalandırma sisteminin işləməməsi göstərilir.

Dəmiryol vağzalında həkim olmadığı üçün təcili tibbi yardımın əməkdaşları gələnədək xəstəyə polislər və digər sərnişinlər ilkin yardım göstərib.

Bir qədər sonra isə vətəndaşların və dəmir yolu rəsmilərinin iştirakı ilə insident olub. Sərnişinlər qatarların sayının az olmasına, eləcə də Sumqayıt-Xırdalan-Bakı marşrutu üzrə hərəkət edən qatarda havalandırma sisteminin işləməməsinə etiraz edib. Dəmir yolu işçiləri isə problemin bu gün yarandığını və bununla bağlı araşdırma aparılacağını deyib. 

Bakı Dəmiryol Vağzalında sərnişinin səhhətində problem yaranıb