Azadlıq prospektində işıqforların işləməməsinin səbəbi açıqlanıb

Azadlıq prospektində işıqforların işləməməsinin səbəbi açıqlanıb.

Bu barədə "Report"un sorğusuna cavab olaraq Daxili İşlər Nazirliyinin Nəqliyyatı İntellektual İdarəetmə Mərkəzinin İctimaiyyətlə əlaqələr sektorunun müdiri Ömər Xıdırov məlumat verib.

O bildirib ki, paytaxtın Nəsimi rayonu, Azadlıq prospektində işıqforların işləməməsinə səbəb qurğularda yaranan problem yox, ərazidə elektrik enerjisi verilişinin obyektiv səbəblərdən dayandırılmasıdır:

"Məsələ ilə bağlı aidiyyəti üzrə məlumat verilib. Hazırda qeyd olunan kəsişmədə işıqforların işi bərpa olunub".