Şahin Diniyev "Səbail"in baş məşqçisi olub

"Səbail" klubunun yeni baş məşqçisi bəlli olub.

"Report" paytaxt təmsilçisinin rəsmi saytına istinadən xəbər verir ki, "dənizçilər" Şahin Diniyevə tapşırılıb.

Mütəxəssis bu postda Mahmud Qurbanovu əvəzləyib. Onun müqaviləsinin müddəti 2023/2024 mövsümünün sonunadək nəzərdə tutulub.

Qeyd edək ki, Şahin Diniyev daha əvvəl "Qarabağ", "Kəpəz", "Rəvan" və Azərbaycan millisinin baş məşqçisi olub.