"Qarabağ"ın Avropa Liqasındakı rəqibi Yunanıstan çempionatında qələbə qazanıb

"Qarabağ"ın UEFA Avropa Liqasındakı rəqiblərindən "Olimpiakos" Yunanıstan çempionatında qələbə qazanıb.

"Report" xəbər verir ki, komanda XVII turun son matçında səfərdə "Panetolikos"u 2:0 hesabı ilə üstələyib.

Qonaqların heyətində El Kaabi (45+5) və Çikino (70) fərqlənib.

"Ağ-qırmızılar" 37 xalla Yunanıstan Superliqasının turnir cədvəlində birincidir.

Qeyd edək ki, "Qarabağ" "Olimpiakos"la yanvarın 30-da səfərdə qarşılaşacaq.