"Qalatasaray" Azərbaycana təşəkkür etdi

UEFA Avropa Liqasının II təsnifat mərhələsində "Neftçi"ni Bakıda mübarizədən kənarlaşdırmış Türkiyənin "Qalatasaray" klubu Azərbaycana təşəkkür edib. 

"Report"un məlumatına görə, İstanbul təmsilçisi "Facebook" səhifəsində "Hər şey üçün təşəkkürlər, yenidən görüşərik, AzərbayCAN!" yazıb. 

Qeyd edək ki, Bakı Olimpiya Stadionundakı qarşılaşma "Neftçi"nin 1:3 hesablı məğlubiyyəti ilə başa çatıb.