Premyer Liqa: "Sabah" "Araz-Naxçıvan"la oyunda heç-heçə edib

"Sabah" Misli Premyer Liqasının IX turunda heç-heçə edib.

"Report"un məlumatına görə, paytaxt təmsilçisi "Araz-Naxçıvan"la "sülh bağlayıb" - 2:2.

"Bayquşlar"ın heyətində 54-cü dəqiqədə Stiv Solvet, 73-cü dəqiqədə penaltidən Coy Lens Mikels fərqləniblər. Naxçıvan klubunun qollarına 58-ci dəqiqədə İssuf Paro, 90+8-ci dəqiqədə Ba-Muaka Simakala imza atıb.

Bu nəticədən sonra xallarının sayını 15-ə çatdıran "bayquşlar" dördüncü, 16 xalı olan "Araz-Naxçıvan" üçüncü sıradadır.

Günün digər görüşündə "Zirə" "Sumqayıt"ı qəbul edəcək.

Qeyd edək ki, ötən gün "Turan Tovuz" "Karvan-Yevlax"ı (2:1), "İmişli" isə "Kəpəz"i (3:0) məğlub edib. Tura oktyabrın 26-da yekun vurulacaq.