Premyer Liqa: "Neftçi" qələbə qazanıb, Abubakar daha bir qol vurub

Misli Premyer Liqasının X turunda "Neftçi" "Kəpəz"i məğlub edib.

"Report" xəbər verir ki, "Palms Sports Arena"da keçirilən oyunda ev sahibləri 5:1 hesablı qələbəyə sevinib.

"Ağ-qaralar"ın qollarını Emin Mahmudov (19-p.), Vensan Abubakar (23), Bassala Sambu (74, 86) və Freddi Varqas (90+1) vurublar. Qonaqlardan isə Sadiq Şəfiyev (77) fərqlənib.

Turnir cədvəlində "Neftçi" 15 xalla altıncıdır. 3 xalı olan "Kəpəz" isə sonuncu - 12-cidir.

Qeyd edək ki, turun əvvəlki oyunlarında "Qarabağ" "İmişli"ni 2:0, "Zirə" isə "Karvan-Yevlax"ı 3:2 hesabı ilə məğlub edib.