Messi gənclər arasında futbol turnirinin yaradıldığını elan edib

Dünya çempionu və səkkiz dəfə "Qızıl top" mükafatına layiq görülmüş argentinalı futbol ulduzu Lionel Messi yeniyetmə komandalar arasında "Messi Kuboku" turniri təsis edib.

"Report"un məlumatına görə, Messi bu barədə özünün "Instagram" hesabında paylaşım edib.

Turnir ABŞ-nin Florida ştatının Mayami şəhərində dekabrın 9-14-ü aralığında keçiriləcək. Futbolçunun bildirdiyinə görə, turnirdə iştirakını artıq aşağıdakı komandalar təsdiqləyib: "River Pleyt", "Nyuels Old Boys" (hər ikisi Argentina), "İnter Mayami" (ABŞ), "Barselona", "Atletiko" (hər ikisi İspaniya), "Çelsi", "Mançester Siti" (hər ikisi İngiltərə), "İnter" (İtaliya).