"Kəpəz" növbəti legioner transferini açıqlayıb

"Kəpəz" daha bir futbolçunun keçidini həll edib.

Klubdan "Report"a verilən məlumata görə, cinah yarımmüdafiəçisi mövqeyində oynayan gürcüstanlı Mate Kvirkviya ilə bir illik müqavilə imzalanıb.

26 yaşlı oyunçu son olaraq ölkəsində "Qaqra" klubunun şərəfini qoruyub. Kvirkviya Tbilisi "Dinamo"su və "Torpedo" ilə Gürcüstan çempionu olub.

O, Gürcüstanın müxtəlif yaş qruplarından ibarət milli komandaların da formasını geyinib.

Qeyd edək ki, "Kəpəz" daha əvvəl gürcüstanlı Giorgi Kantariya ilə sözləşmə imzalayıb.