İngiltərə Premyer Liqası: “Liverpul” “Mançester Yunayted”i darmadağın edib

İngiltərə Premyer Liqasının 3-cü turunda “Mançester Yunayted” doğma meydanda “Liverpul”u qəbul edib.

“Report” xəbər verir ki, Entoni Teylorun idarə etdiyi matç “Old Trafford”da baş tutub.

35-ci dəqiqədə “Liverpul”un hücumçusu Luis Dias qapıçı Onananı məyus edib. Cəmi yeddi dəqiqə sonra “qırmızılar” fərqi artırıb. Kolumbiyalı Dias dubla imza atıb. 56-cı dəqiqədə isə misirli Məhəmməd Salah hesabı darmadağın həddinə çatdıraraq oyunda son nöqtəni qoyub – 3:0.