Azərbaycan Taekvondo Federasiyasının təşkilatçılığı ilə təkmilləşdirmə kursu və seminar keçirilib

Azərbaycan Taekvondo Federasiyasının (ATF) təşkilatçılığı ilə ATF-in məşq zalında milli və beynəlxalq hakimlər üçün təkmilləşdirmə kursu, yeni hakim olmaq istəyənlər üçün isə seminar keçirilib.

"Report" xəbər verir ki, ümumilikdə seminar və kursda 47 nəfər iştirak edib.

ATF-in Hakimlər komitəsinin sədri Gündüz Abdullayev və Hakimlər komitəsinin sədr müavini Aygül Abdullayevanın rəhbərliyi altında keçirilən kurs və seminar nəzəri, təcrübi hissədən ibarət olub.

Yekunda iştirakçılara ATF-in vitse-prezidenti Hikmət Səmədov tərəfindən sertifikatlar təqdim olunub. Seminar və kurs növbəti yarışlara seçim xarakteri daşıyıb.