Ötən il Bakı-Tbilisi-Ərzurum boru kəməri ilə nəqetmə 18 %-dək artıb

Ötən il Bakı-Tbilisi-Ərzurum boru kəməri ilə nəqetmə 18 %-dək artıb 2020-ci il ərzində Azərbaycanın magistral qaz kəmərləri ilə 29,611 mlrd kubmetr qaz nəql edilib
Energetika
647
21 Yanvar , 2021 10:43
Ötən il Bakı-Tbilisi-Ərzurum boru kəməri ilə nəqetmə 18 %-dək artıb

2020-ci il ərzində Azərbaycanın magistral qaz kəmərləri ilə 29,611 mlrd kubmetr qaz nəql edilib.

“Report”un Dövlət Statistika Komitəsinə istinadən verdiyi xəbərə görə, magistral qaz kəmərləri ilə nəqletmədə əvvəlki ilin müvafiq dövrünə nisbətən 7,6 % artım müşahidə olunub.

Hesabat dövrünə qazın nəqlinin 41,4 %-i Bakı-Tbilisi-Ərzurum Cənubi Qafqaz boru kəməri vasitəsilə həyata keçirilib. Bu kəmərlə 12,268 mlrd kubmetr qaz ötürülüb. Bu, 2019-cu ilin yanvar-dekabr aylarının göstəriciləri ilə müqayisədə 17,8 % çoxdur.

Qeyd edək ki, Cənubi Qafqaz boru kəməri ilə Xəzərin Azərbaycan sektorunda yerləşən “Şahdəniz” qaz-kondensat yatağından hasil edilən qaz Azərbaycana, Gürcüstana və Türkiyəyə çatdırılır. Cənubi Qafqaz Boru Kəməri 2006-cı ilin sonlarında istismara verilib və "Şahdəniz" yatağının I mərhələsi çərçivəsində hasil edilən qaz nəql edilməyə başlanıb. 2018-ci ilin yayından isə "Şahdəniz" yatağının ikinci mərhələsi çərçivəsində hasil edilən qazın genişləndirilmiş Cənubi Qafqaz Boru Kəməri ilə Türkiyəyə - TANAP kəmərinə təhvil verilməsinə başlanılıb.

Son xəbərlər

Orphus sistemi