Gədəbəydə ildırımdan sonra transformatorda fəsad yaranıb, xəstəxanada elektrik kəsilib

Gədəbəydə ildırımdan sonra transformatorda fəsad yaranıb, rayon Mərkəzi Xəstəxanasında elektrik enerjisi kəsilib.

"Report"un Qərb bürosunun məlumatına görə, artıq bir neçə saatdır xəstəxanada və yaxınlıqdakı küçələrdə elektrik enerjisi yoxdur.

Sakinlər bildirib ki, güclü ildırımdan sonra transformatorda qısaqapanma olub və fəsad yaranıb.

Qeyd edək ki, günorta saatlarından bölgədə qeyri-sabit hava şəraiti müşahidə olunur.