AÇG-dən gələn il üzrə hasilat göstəricisi açıqlanıb

Bakı. 29 dekabr. REPORT.AZ/ Xəzər dənizinin Azərbaycan sektorunda yerləşən “Azəri-Çıraq-Günəşli” (AÇG) yataqlar blokundan xam neft hasilatının həcminin 2018-ci ildə 28 mln. ton (204,4 mln. barel) olacağı proqnozlaşdırılır.

“Report” xəbər verir ki, bu da hasilatın aşağı düşməsi səbəbindən 2017-ci ilin göstəricisinə nisbətən (211,7 mln. barel) 7,3 mln. barel və ya 3,45% azdır.

Qeyd edək ki, 2016-cı ildə AÇG-dən hasilatın həcmi 31,1 mln. ton və ya 230 mln. bareldən artıq olub. Bu ilin 9 ayında AÇG-dən 22 mln. ton neft hasil edilib.