DİM Naxçıvanda II ixtisas qrupu üzrə ali təhsil müəssisələrinə qəbul imtahanı keçirir

İyulun 9-da Dövlət İmtahan Mərkəzi Naxçıvanda (DİM) II ixtisas qrupu üzrə ali təhsil müəssisələrinə qəbul imtahanı və III ixtisas qrupu üzrə DT və TC altqruplarının hər ikisini seçən abituriyentlər üçün coğrafiya fənni üzrə imtahan keçirir.

"Report"un xəbərinə görə, Dövlət İmtahan Mərkəzinin (DİM) Naxçıvan Regional Bölməsinin müdiri S.Məmmədov bildirib ki, imtahanlar saat 10:00-da başlanıb. Saat 09:45-də buraxılış rejimi başa çatıb.

Naxçıvan şəhərindəki 11, 12 və 15 nömrəli tam orta məktəblərdə təşkil olunan imtahanlar 76 zalda keçirilir. İmtahanların keçirilməsinə 12 imtahan rəhbəri və 99 nəzarətçi cəlb olunub, 922 abituriyentin iştirakı nəzərdə tutulur.