Zelenski: Ukrayna qüvvələri Pokrovskda mühasirəyə alınmayıb

Ukrayna Prezidenti Volodimir Zelenski bildirib ki, Pokrovsk istiqamətində (Ukrayna) vəziyyət gərgin olaraq qalır.

"Report"un Ukrayna KİV-lərinə istinadən verdiyi məlumata görə, o, bunu brifinqdə bildirib.

O qeyd edib ki, lakin Ukrayna qüvvələri orada mühasirəyə alınmayıb: "Pokrovskda vəziyyət çətindir. Bu istiqamətdə təxminən 170 min düşmən hərbçisi cəmləşib. Bu çox böyük göstəricidir. Bu gün səhər baş komandanla danışdım - Pokrovsk istiqamətində dəyişikliklər yoxdur".

V.Zelenskinin sözlərinə görə, Ukraynanın müdafiə qüvvələri ağır döyüşlərə baxmayaraq Rusiya qoşunlarını məhv etməyə davam edirlər. O vurğulayıb ki, Pokrovsk uğrunda "ağır döyüş" gedir.