Ukrayna son iki ayda Rusiyanın 20 neft hasilatı və emalı obyektinə zərbələr endirib

Ukrayna Təhlükəsizlik Xidməti (UTX) 2025-ci ilin əvvəlindən Rusiya ərazisində neft hasilatı və emalı obyektlərinə bir sıra uğurlu zərbələr endirib.

"Report"un "İnterfaks-Ukrayna"ya istinadən məlumatına görə, bunu Ukrayna Təhlükəsizlik Xidmətinin rəisi Vasili Malyuk ölkə Prezidenti Volodimir Zelenski ilə birgə brifinqdə bildirib.

O qeyd edib ki, ilin əvvəlindən Ukrayna Təhlükəsizlik Xidməti Rusiyanın neft hasilatı və emalı obyektlərinə qarşı təxminən 160 uğurlu hücum həyata keçirib: "Əgər bu ilin sentyabr və oktyabr aylarından danışsaq bu, altısı neft emalı zavodu, ikisi neft terminalı, üçü neft bazası və doqquzu neft nasos stansiyası daxil olmaqla 20 obyektdən ibarətdir".