Ukrayna hərbçiləri Rusiyanın iki "Su-27" qırıcısını vurub

Ukrayna Təhlükəsizlik Xidməti Krımdakı Belbek hərbi aerodromunda Rusiyaya məxsus iki "Su-27" qırıcısını vurub.

Bu barədə "Report" Ukrayna mediasına istinadən məlumat verir.

Məlumata görə, təyyarələrdən biri tam yüklənmiş və döyüş tapşırığına hazır vəziyyətdə olub - o məhv edilib.

Ukrayna Təhlükəsizlik Xidməti, həmçinin aerodromun dispetçer qülləsinin vurulduğunu təsdiqləyib. Bildirilib ki, bu, aerodromda uçuşların təşkilini çətinləşdirir.

Hər iki təyyarənin təxmini dəyəri 70 milyon dollardır.