Texasda sürücü avtomobili piyadaların üstünə sürüb, ölən və xəsarət alanlar var  

ABŞ-ın Texas ştatının Hyuston şəhərindəki restoranlardan birinin yanında sürücü avtomobili piyadaların üstünə sürüb.

“Report” xəbər verir ki, bu barədə ABC yayım korporasiyası polisə istinadən bildirib.

Hadisə nəticəsində bir qadın həlak olub, daha bir neçə nəfər müxtəlif xəsarətlər alıb.

Harris dairəsinin polisinin məlumatına görə, sürücü bunu qəsdən edib. O, hadisə yerindən gizlənməyə çalışıb, amma sonra qəza yerinə qayıdıb və həbs edilib. Zərərçəkənlər yerli xəstəxanalara çatdırılıb.

Polis bildirib ki, daha əvvəl restoranın daxilində dava başlanıb, qarşıdurma avtodayanacaqda davam edib. Dava iştirakçıları ilə sürücünün əlaqəsinin olub-olmaması müəyyənləşdirilir.