"Taliban" yaraqlıları yenidən Pakistan qüvvələrinə hücum edib

Kurram bölgəsində "Taliban" və "Fitnə əl-Xavaric" yaraqlıları Pakistan qüvvələrinə yenidən hücum edib.

"Report" bu barədə PTV-yə istinadən xəbər verir.

Məlumata görə, Pakistan ordusu bu hücuma sərt şəkildə cavab verib, nəticədə "Taliban"ın mövqelərinə ciddi ziyan dəyib.

Mənbələr əlavə ediblər ki, "Taliban"ın postlarında yanğın baş verib. Pakistan ordusunun əməliyyatı nəticəsində "Taliban"ın bir tankı məhv edilib və yaraqlılar mövqelərini tərk edərək qaçıblar. Həmçinin "Fitnə əl-Xavaric" komandirinin də öldürüldüyü bildirilir.

Xatırladaq ki, oktyabrın 11-də Əfqanıstan yaraqlıları Pakistanla dövlət sərhədində təxribat törədib. Nəticədə Pakistan ordusunun 23 hərbçisi həlak olub, 29 nəfər isə yaralanıb.