Niderland Avropada "dron divarı"nın yaradılması layihəsinə rəhbərlik edəcək

Niderland daha iki Avropa İttifaqı (Aİ) ölkəsi ilə birlikdə pilotsuz uçuş aparatlarından müdafiə sistemi - Avropa dron təşəbbüsünün hazırlanmasında aparıcı rolu öz üzərinə götürəcək.

"Report"un Avropa bürosunun məlumatına görə, bunu Kopenhagendə jurnalistlərə ölkənin Baş naziri Dik Shof bildirib.

Onun sözlərinə görə, layihə Niderlandın liderliyi altında və artıq dronlara qarşı mübarizədə əhəmiyyətli təcrübəyə malik olan Ukrayna ilə sıx əməkdaşlıqda həyata keçirilir.

"Bundan əlavə, Niderlandda pilotsuz uçuş aparatlarının istehsalı üçün yerli zavodun tikilməsi planlaşdırılır", - o bildirib.