Netanyahu: İran əməliyyatının nəticəsi İsrailin ərəblərlə sazişlərinin genişləndirilməsi yolunu açır

İsrail İrana qarşı əməliyyatından sonra əksəriyyəti ərəb dövlətləri olan qonşu ölkələrlə “sülh razılaşmalarının dramatik şəkildə genişləndirilməsi”nə yol açıb.

“Report” xəbər verir ki, bu barədə İsrailin Baş naziri Binyamin Netanyahu deyib.

“Biz İrana qarşı cəsarətlə döyüşdük və böyük qələbə qazandıq. Bu qələbə sülh sazişlərinin dramatik genişləndirilməsi üçün imkan açır. Biz bu istiqamətdə fəal işləyirik”, — o, hökumət başçısının ofisi tərəfindən yayımlanmış videomüraciətində bildirib.