Netanyahu BMT Baş Assambleyasının iclasından sonra Trampla görüşəcək

İsrailin Baş naziri Binyamin Netanyahu Vaşinqtonda ABŞ Prezidenti Donald Trampla görüşəcək.

"Report"un xəbərinə görə, o, bunu İsrail iqtisadiyyatına həsr olunmuş mətbuat konfransında deyib.

"O (Tramp - red.) məni Ağ Evə dəvət etdi. Bu, iki həftə sonra, bazar ertəsi, mənim BMT Baş Assambleyasında çıxışımdan sonra olacaq", - İsrailin Baş naziri deyib.

Görüş Netanyahunun bu ayın sonunda Nyu-Yorkda BMT Baş Assambleyasının 80-ci sessiyasındakı çıxışından sonra planlaşdırılır. Daha əvvəl "Channel 12" telekanalı ABŞ-nin yüksək rütbəli rəsmilərinə istinadən xəbər verib ki, Baş nazirin Dəftərxanası onun çıxışından dərhal sonra iki liderin görüşünü koordinasiya etmək üçün Ağ Evdən xahiş edib.