Modi və Tramp Hörmüz boğazında təhlükəsiz gəmiçiliyin vacibliyini qeyd ediblər

Hindistanın Baş naziri Narendra Modi ABŞ Prezidenti Donald Trampla telefon danışığı aparıb.

"Report" xəbər verir ki, bu barədə Modi "X" sosial şəbəkəsində yazıb.

"Dostum, Prezident Donald Tramp mənə zəng etdi. Biz müxtəlif sektorlar üzrə ikitərəfli əməkdaşlığımızda əldə edilmiş əhəmiyyətli irəliləyişi nəzərdən keçirdik. Biz bütün sahələrdə Hərtərəfli Qlobal Strateji Tərəfdaşlığımızın daha da möhkəmləndirilməsinə sadiqik", - o yazıb.

Modinin sözlərinə görə, onlar Hörmüz boğazının açıq və təhlükəsiz saxlanılmasının vacibliyini vurğulayaraq, Yaxın Şərqdəki vəziyyəti də müzakirə ediblər.