Misirdə turistlərin olduğu avtobus qəzaya düşüb, 46 nəfər yaralanıb

Misirdə Süveyş-Qahirə magistralında turistləri daşıyan avtobusun iştirakı ilə baş verən yol qəzasında 46 nəfər yaralanıb.

“Report” xəbər verir ki, bu barədə “Əl-Əhram” qəzeti məlumat yayıb.

Qeyd olunub ki, yaralıların arasında 21 Rusiya, 11 Türkiyə, 9 İtaliya, 3 Misir və 2 Böyük Britaniya vətəndaşı var. Onların hamısı Süveyş tibb kompleksinə aparılıb.

Misirin səhiyyə naziri Xalid Abdel Qaffar zərərçəkənlərə yardımın göstərilməsinə şəxsən nəzarət edir. Bu prosesdə bütün tibb kompleksinin işçiləri səfərbər edilib.