Merts Almaniyanın artıq sülh şəraitində yaşamadığını bəyan edib

Almaniya Kansleri Fridrix Merts hesab edir ki, artıq Almaniyada sülhdən danışmaq olmaz.

"Report"un məlumatına görə, kansler bu barədə Berlində davamlı iqtisadi inkişaf və rəqəmsal suverenliyin əldə olunması məsələlərinə həsr olunmuş "Schwarz Ecosystem" sammitində danışıb.

"Biz müharibə şəraitində deyilik, lakin artıq sülh şəraitində də yaşamırıq... Gündəlik təxribatlar, data mərkəzlərini sıradan çıxarmaq cəhdləri, kiberhücumlar", - deyən Merts konkret faktlar göstərməyib.

"Şübhə edirəm ki, bu zalda, bəlkə də, hər ikinci şəxs ən azı bir dəfə data mübadiləsi şəbəkəsinə və ya infrastrukturua hücumların olmasını öz üzərində hiss edib", - kansler bildirib.