Malidə silahlıların hücumu nəticəsində 25-ə yaxın insan həlak olub

Malinin mərkəzində hərbi düşərgəyə və kəndə silahlıların hücumu nəticəsində 20-yə yaxın hərbçi və daha 5 mülki şəxs öldürülüb.

"Report"un məlumatına görə, bu barədə "Reuters" yerli hakimiyyət orqanlarına istinadən məlumat yayıb.

Hadisə mərkəzi Sequ regionunda baş verib. Silahlılar Farabuqu kəndinə və yaxınlıqdakı hərbi düşərgəyə basqın ediblər.

Rəsmi məlumata görə, hücum zamanı 30-dan çox insan yaralanıb.