İsrail HHQ "Hizbullah"ın radikal dəstəsinə hücum edib

İsrailin Hərbi Hava Qüvvələri Livanın cənubunda "Hizbullah" hərəkatının hərbi obyektinə zərbə endirib.

“Report” xəbər verir ki, bu barədə ordunun mətbuat xidməti məlumat yayıb.

Məlumata görə, hərbi qulluqçular Livanın cənubundakı Odayse yaşayış məntəqəsi ərazisindəki bu hərbi obyektin içərisindəki radikalları aşkar ediblər. Bundan sonra İsrailin Hərbi Hava Qüvvələri "terror dəstəsini məhv edib".

Bundan əlavə, artilleriya Livanın cənubundakı Şebaa və Yarine bölgələrini atəşə tutub.