Bakı. 23 iyul. REPORT.AZ/ İraqın paytaxtı Bağdadın şimalında yerləşən Səlah-əd-Din əyalətində törədilən iki partlayış nəticəsində ən azı 13 nəfər ölüb, 19 nəfər yaralanıb.
"Report" xəbər verir ki, bu barədə yerli təhlükəsizlik xidmətlərindəki mənbələrə istinadən "Sinxua" agentliyi məlumat yayıb.
Hər iki partlayış Bağdaddan təqribən 280 km. aralıda yerləşən Şikrat şəhərində baş verib. Hər iki partlayışı İŞİD-in terrorçu-kamikadzeləri törədib.