Filippində sunami təhlükəsi elan edilib - YENİLƏNİB

Filippinin cənub sahillərində 6,9 maqnitudalı təkrar zəlzələ baş verib, yenidən sunami təhlükəsi elan olunub.

"Report" xarici KİV-ə istinadən xəbər verir ki, bu barədə Filippin Vulkanologiya və Seysmologiya İnstitutu (PHIVOLCS) məlumat yayıb.

Qeyd olunur ki, yeraltı təkanların episentri Manay şəhəri yaxınlığında yerləşib, zəlzələ ocağı 10 kilometr dərinlikdə olub.

06:44

Filippin sahillərində 7,3 maqnitudalı zəlzələ qeydə alınıb.

"Report" xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

Məlumatına görə, zəlzələnin episentri Mati şəhərindən 63 km şimal-şərqdə yerləşib, ocağı isə 53 km dərinlikdə olub.

Tələfat və dağıntı barədə məlumat yoxdur.

Qeyd eədk ki, sentyabrın 30-da baş verən 6,9 maqnitudalı zəlzələ nəticəsində 72 nəfər ölüb.