BMT Qara dənizdə gəmiçilik təhlükəsizliyinə dair razılaşmaları alqışlayıb

BMT Qara dənizdə gəmiçiliyin təhlükəsizliyini təmin etmək üçün Rusiya, ABŞ və Ukraynanın əldə etdiyi razılaşmaları alqışlayır.

“Report” xəbər verir ki, bu barədə BMT baş katibinin rəsmi nümayəndəsi Stefan Düjarrik deyib.

O, məsələ ilə bağlı sualı cavablandırarkən bildirib: “Biz bəyanatları gördük, təbii ki, alqışlayırıq”.

Onun sözlərinə görə, BMT Qara dənizdə naviqasiya təhlükəsizliyinin təmin edilməsində iştirakı ilə bağlı hər hansı məlumatı paylaşmağı tez hesab edir: “Hər hansı əlavə məlumatı paylaşmaq hələ tezdir”.