Rusiyalı ekspert: "Dinc şəhərləri atəşə tutmaq yolverilməzdir"

"Azərbaycanın dinc əhalisinin və yaşayış məntəqələrinin Ermənistan tərəfindən atəşə tutulması qəti yolverilməzdir".

Bunu “Report”un Rusiya bürosuna açıqlamasında rusiyalı şərqşünas - türkoloq Yuri Mavaşev bildirib.

“Bu, məsələni daha da kəskinləşdirir. Məndə olan məlumata görə, son 48 saat ərzində ikinci dəfədir Mingəçevir su anbarı atəşə tutulub. Bu, xalis təxribat əməlidir. Ermənistan tərəfindən orta mənzilli raketlərin tətbiq olunması təsdiqlənmiş dəqiq məlumatdır. Və bu da qətiyyən yolverilməzdir”, - rusiyalı alim qeyd edib.