Aguilera Camila: "Şəhərlər 2030-cu ilə qədər orqanik tullantıların 70 %-ni zərərsizləşdirməlidir" - EKSKLÜZİV

Dünyadakı şəhərlər 2030-cu ilə qədər orqanik tullantıların 70 %-ni zərərsizləşdirməyi öhdələrinə götürərək metan emissiyalarını əhəmiyyətli dərəcədə azalda və qlobal istiləşməni 1,5°C səviyyəsində saxlamağa töhfə verə bilərlər.

Bunu “Report”a açıqlamasında GAIA Latın Amerikası və Karib Hövzəsi/BFFP Proqram müşaviri Aguilera Camila bildirib.

“Sıfır tullantı strategiyaları, məsələn, mənbədən ayırma və orqanik tullantıların zərərsizləşdirilməsi, bərk tullantılardan metan emissiyalarını 95 %-ə qədər azalda bilər. Bu yanaşmalar eyni zamanda icmalara ekoloji təmiz iş yerlərinin yaradılmasına, yerli fermerlərin dəstəklənməsinə, tullantı yığanlar və zərərsizləşdirmə işçiləri üçün imkanların genişləndirilməsinə və onlara ədalətli, dayanıqlı keçid təmin edilməsinə kömək edə bilər. Şəhər rəhbərlərini, davamlı icmalar qurmaq və uzunmüddətli təsir yaratmaq üçün bu hərəkata birləşməyə dəvət edirik”, - deyə A.Camila vurğulayıb.