Azərbaycan arpa idxalını kəskin azaldıb 

Bu ilin yanvar-may aylarında Azərbaycan 833 ton arpa idxal edib.

“Report” Dövlət Gömrük Komitəsinə istinadən xəbər verir ki, bu həcmdə arpanın dəyəri 353 min ABŞ dolları dəyərində olub.

Bu, 2021-ci ilin müvafiq dövrü ilə müqayisədə 11 min 175 ton (14,4 dəfə) azdır, dəyər baxımından isə 2 milyon 204 min ABŞ dolları (7,2 dəfə) azdır.

Beləliklə, ötən il bir ton arpanın qiyməti 213,08 ABŞ dolları təşkil edirdisə, bu il onun dəyəri 423,7 ABŞ dollarına yüksəlib.

Xatırladaq ki, 2021-ci il ərzində Azərbaycanda 373,7 min hektar ərazidən 1 milyon 146,7 min ton arpa yığılıb. Məhsuldarlıq 30,7 sentner təşkil edib.