Ərdoğan Azərbaycan liderinə Heydər Əliyevin 100 illik yubileyi münasibətilə hazırlanmış xatirə əsginasını təqdim edib

Türkiyə Prezidenti Rəcəb Tayyib Ərdoğan Azərbaycan Prezidenti İlham Əliyevə Türk dünyasının böyük oğlu, Ulu Öndər Heydər Əliyevin anadan olmasının 100 illiyi münasibətilə hazırlanmış xatirə əsginasını təqdim edib.

“Report” xəbər verir ki, xatirə əsginası Azərbaycan liderinə İstanbulda keçirilən “TEKNOFEST” aerokosmik və texnologiya festivalında təqdim olunub.

Qeyd edək ki, Azərbaycan Respublikasının Prezidenti İlham Əliyev aprelin 29-da Türkiyəyə işgüzar səfərə gedib.