Elçin Əmirbəyov Meksika Senatının sədri ilə beynəlxalq əməkdaşlıq məsələlərini müzakirə edib

Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov Meksika Senatının sədri Herardo Fernandes Noronya ilə görüş keçirib.

"Report" xəbər verir ki, bu barədə Meksika Senatının "X" səhifəsindəki paylaşımında bildirilir.

Görüş zamanı ikitərəfli münasibətlər və beynəlxalq əməkdaşlıq məsələləri müzakirə edilib.

Həmçinin xalqlar arasında qardaşlıq əlaqələri bir daha təsdiqlənib və iki ölkə arasında münasibətlərin möhkəmləndirilməsi niyyəti ifadə olunub.

Tədbirdə Meksika Senatının xarici əlaqələr komitəsinin üzvləri də iştirak ediblər.