BMTM-nin eksperti: “Heydər Əliyev Azərbaycan-Özbəkistan münasibətlərinin inkişafında mühüm rol oynayıb”

“Ümummilli Lider Heydər Əliyev Azərbaycan-Özbəkistan əlaqələrinin inkişafında mühüm rol oynayıb”.

“Report” xəbər verir ki, bunu Beynəlxalq Münasibətlərin Təhlili Mərkəzinin aparıcı məsləhətçisi Nağı Əhmədov Bakıda “Özbəkistan və Azərbaycan: əməkdaşlığın yeni üfüqləri” mövzusunda keçirilən Dəyirmi masada deyib.

Onun sözlərinə görə, Heydər Əliyevin xarici siyasətlə bağlı baxışında Mərkəzi Asiya ölkələri ilə əlaqələrin inkişafı mühüm əhəmiyyət kəsb edirdi: “Bundan başqa, Azərbaycan və Özbəkistan ortaq köklərə, dilə və dəyərlərə malikdir. Bu da ikitərəfli əməkdaşlığın inkişafı üçün ciddi təməl təşkil edir”.

N.Əhmədov vurğulayıb ki, Azərbaycan Özbəkistan üçün Qərbə açılan pəncərədir: “Buna görə də ölkələr nəqliyyat-logistika layihələrində də iştirak edirlər”.